“Манчестер Юнайтед” трансфери барбод бўлди

“Манчестер Юнайтед” раҳбарияти жароҳат олган ҳимоячилар ўрнини тўлдиришга ҳаракат қилмоқда.

Жамоа нишонидаги футболчилар орасида “Челси”га керак бўлмай қолган Марк Кукурелья ҳам бор эди. Томонлар испан ҳимоячиси бўйича музокара олиб бораётганди.

The Athletic нашрининг ёзишича, бу трансфер барбод бўлди.

Маълумотларга қараганда, Манчестер шаҳри клуби Кукурельяни ярим мавсумга ижарага олмоқчи бўлган. Улар ҳимоячини январда Лондонга қайтаришни таклиф қилди. Бироқ бу вариант “аристократлар”ни қониқтиргани йўқ.

“Челси” Кукурельяни ўтган йили “Брайтон”дан 65 миллион еврога трансфер қилганди.  Янги бош мураббий Маурисио Почеттино унинг хизматларидан умуман фойдаланмоқчи эмас. Захирага ўтириб қолган футболчининг трансфер суммаси тенг бараварига арзонлаб қолган. Унинг клуб шартномаси 2028 йилнинг ярмигача давом этади.