“Манчестер Юнайтед” уч юлдузни кўзлаяпти

“Манчестер Юнайтед” жароҳат олиб, узоқ муддатга сафдан чиққан Люк Шоу ўрнини номдор футболчилар билан тўлдиришга қарор қилди.

Эрик тен Хаг клуб раҳбариятга чап қанот ҳимоясини мустаҳкамлаш учун уч нафардан номзод кўрсатилган рўйхатни берди.

Унга кўра, манчестерликлар ёзги трансфер бозори ёпилгунига қадар “Тоттенхэм”дан Серхио Регилон , “Челси”дан Марк Кукурелья ва “Барселона”дан Маркос Алонсони олишга уриниб кўради.

Клуб мутасаддилари уларнинг айримлари билан музокарани бошлаб юборди. Учала клуб ҳам номи кўрсатилган ўйинчилар билан хайрлашишга қарши эмас.