"Манчестер Юнайтед" устози АПЛда февраль ойининг энг яхши мураббийи бўлди

Тен Хаг Англия премер-лигада ойнинг энг яхши мураббийи деб топилди.

"Манчестер Юнайтед" бошқарувчиси Эрик тен Хаг премер-лиганинг февраль ойидаги энг яхши мураббийи деб топилди. "Қизил иблислар" ўтган ой лигада тўртта ўйин ўтказди. Уларда жамоа битта дуранг билан учта ғалабани тантана қилди. "Ливерпуль"дан 0:7 ҳисобида сенсацион мағлубият эса март ойида бўлган эди.

Эслатиб ўтамиз, манкунианликлар ҳозирда АПЛ турнир жадвалида учинчи ўринни эгаллаб турибди. Тен Хаг шогирдлари пешқадам "Арсенал"дан 14 очкога ортда қолмоқда.