“Манчестер Юнайтед” харажатлар бўйича чемпион!

CIES Football мутахассислари сўнгги ўн йилда энг кўп харажат қилган клублар рейтингни тузиб чиқди. Кучли ўнликдан жой олган жамоаларнинг олтитаси Англия премьер-лигаси вакилларидир.

Энг серхаражат клуб сифатида “Манчестер Юнайтед” тан олинди. Бу клубнинг охирги ўн йилдаги чиқими бир миллиард фунтдан ўтиб кетган. “Юнайтед” миллиард чегарасидан ошган дунёдаги ягона клуб бўлиб турибди.

Иккинчи ўринни эгаллаб турган “Манчестер Сити” 985 миллион фунт сарфлаган. Кучли учликни 940 миллион фунтни ишлатиб юборган учун ПСЖ эгаллади. Қизиғи, бу уч клуб сўнгги ўн йилда бирор марта Чемпионлар лигасида ғолиб чиққани йўқ.

Рейтингнинг дастлабки ўн поғонасидан “Барселона”, “Арсенал”, “Ювентус”, “Милан”, “Эвертон”, “Астон Вилла” ва “Челси” клублари жой олди.