“Манчестер Юнайтед” юлдузи жамоадошларига ёқмаяпти

“Манчестер Юнайтед” футболчилари жамоадошлари Жейдон Санчонинг бош мураббий Эрик тен Хаг билан зиддиятга борганини оқламаяпти.

Маълумки, нидерландиялик мураббий 23 ёшли футболчи машғулотларда яхши ишламаётгани учун уни ўйин қайдномасига киритмаганини айтганидан кейин Санчо ижтимоий тармоқлар орқали жавоб қайтарганди.

Англиялик футболчи таркиб киритилмаётганини бошқа масалалар борлигига боғлаган.

Маълумотларга қараганда, “Манчестер Юнайтед” футболчиларига Санчонинг бу хатти-ҳаракатлари ёқмаяпти. Ўйинчилар бу вазиятда мураббий ҳақ эканини таъкидламоқда. Уларга нидерландиялик мураббий футболчиларнинг мавқеидан қатъи назар, ҳаммага бир хил мунсабатда бўлаётганини қадрлаяпти.

Жейдон Санчо жорий мавсумда учта учрашувда майдонга тушиб, атиги 76 дақиқа ўйнади.