“Манчестер Юнайтед” Зиданни чақиряпти

Зинедин Зидан икки йил муқаддам “Реал”ни тарк этганидан бери ишсиз юрибди. Бироқ, машҳур мураббийни Англия ПРемьер-лигасида кўришимиз мумкин.

TodoFichaes нашрининг ёзишича, “Манчестер Юнайтед” раҳбарияти жамоанинг қониқарсиз старти оқибатида нидерландиялик Эрик тен Хаг ўрнига Зинедин Зиданни бош мураббийликка кўзлаяпти.

Қолаверса, “Манчестер Юнайтед”да бир неча мавсумдан бери ички муҳитни ўнглаш имконияти бўлмаяпти. Эрик тен Хагнинг ўзи айрим шогирдлари билан ва бир неча футболчи ўзаро чиқиша олмаётгани ҳақида маълумотлар тарқатилди.

Манбанинг таъкидлашича, клуб мутасаддилари Зинедин Зиданга алоқа чиққан ва ўзаро ҳамкорликни муҳокама қила бошлаган.