“Manchester Yunayted”da Erik ten Xag istaklariga “dahshatli” summa sarflangani oshkor bo‘ldi

“Manchester Yunayted” rahbariyati jamoada ikki yildan ortiqroq ishlagan Erik ten Xag iste’foga chiqarilganidan keyin uning klubdagi faoliyatiga doir turli ma’lumotlar tarqalmoqda.

Ekspertlarning hisob-kitoblariga ko‘ra, klub niderlandiyalik mutaxassis jangovar tarkib shakllantirishi uchun uning deyarli barcha talablarini bajargan.

 Manchesterliklar jamoani Erik ten Xag boshqargan davrda yangi o‘yinchilar uchun 650 million evro sarflagani ma’lum bo‘ldi.

Bu mutaxassis talabi bilan klubga yarim himoyachi Kazemiro, vinger Antoni, golkiper Andre Onana, himoyachi Lisandro Martines, hujumchiRasmus Xoylund, hujumkor futbolchi Meyson Maunt kabi qimmatbaho o‘yinchilar transfer qilindi.

Yozda klub rahbariyati kutilmaganda Erik ten Xag bilan hamkorlikni 2026 yilgacha uzaytirganini ma’lum qilgan edi.