“Манчестер Юнайтед”да Рубен Аморим “синиб” қолди

Португалиялик тажрибали мутахассис Рубер Аморим “Манчестер Юнайтед”ни қабул қилиб олганидан бери худди ўзидан аввал ишлаган бир неча мураббий каби жамоани инқироздан олиб чиқа олмаяпти.

Англия Премьер-лигасининг олтинчи турида “Манчестер Юнайтед” сафар учрашувида “Брентфорд”га 1:3 ҳисобида ютқазиб қўйди.

Бу мағлубиятдан кейин Рубен Аморим жамоаси мусобақа жадвалида 14-поғонага тушиб кетди.

Centredevils нашрининг ёзишича, португалиялик мураббий “Олт Траффорд”даги вазият ва муваффақиятсизликлардан кейин руҳан “синиб” қолган. Клубдаги ҳолатни кузатиб бораётган аввалги Рубен Аморимдан асар ҳам қолмаганини таъкидлашмоқда.

Клуб ичидаги инсайдерларнинг маълумотига кўра, Аморимни “Манчестер Юнайтед”дагилар “ёлғиз одам”, деб атай бошлаган.

Руьен Аморим Португалия чемпионатида “Спортинг” билан катта натижаларни қўлга киритганидан кейин ўтган йилнинг ноябрь ойида “Манчестер Юнайтед” уни бош мураббийликка чорлаган эди. Мана қарийб бир йил давомида Аморим вазиятни ўнглай олгани йўқ.