“Манчестер Юнайтед”даги давринг тугади, кетасан!

“Манчестер Юнайтед” ҳимоячиси Фил Жонс ёзда ўзига бошқа клуб топишига тўғри келади. Бу ҳақда таниқли инсайдер Фабрицио Романо маълумот тарқатди.

Манчестерликлар 31 ёшли футболчига янги битим таклиф қилмайдиган бўлди. Жонс жамоани эркин агент сифатида тарк этади.

Тажрибали ҳимоячи “Манчестер Юнайтед” шарафини 2011 йилдан бери ҳимоя қилиб келмоқда. Шу пайтга қадар 229 та учрашувда қатнашиб, олтита гол ва ўнта ассист муаллифи бўлди.

Фил Жонс манчестерликлар билан бирга жами олтита совринни қўлга киритган. Энди бу футболчи омадини бошқа клублардан қидиришига тўғри келмоқда.