“Манчестер Юнайтед”га фақат шу футболчи керак

"Манчестер Юнайтед" ҳимоя чизиғини кучайтириш мақсадида бир қанча трансферларни режалаштирмоқда. Улардан бири Амстердамнинг "Аякс" клуби футболчиси Лисандро Мартинес ҳисобланади. Журналист Фабрицио Романонинг хабарига кўра, “қизил иблислар” раҳбарияти аргентиналик фулбэк борасида музокараларни қайта бошлаш ниятида.

"Манчестер Юнайтед" шу ҳафтада "Аякс" раҳбариятига алоқага чиқиши кутилмоқда. Манкунианликларнинг олдинги таклифи рад этилган. Сабаби, амстердамликлар Мартинес учун 60 миллион евро талаб қилади. Табиийки, бу сумма инглиз клубига тўғри келмади.

Мартинеснинг ўзи кетишга қарши эмас. Шу боис, у трансферни тезлаштириш учун раҳбариятга босим ўтказмоқда.

Шунингдек, Лисандрога Лондоннинг “Арсенал” клуби ҳам қизиқиш билдирган, аммо футболчи ўзининг собиқ устози Эрик тен Хаг бошқарувидаги “Манчестер Юнайтед”га ўтишни афзал кўрмоқда.