"Манчестер Юнайтед"нинг қимматбаҳо хариди қайси рақам остида ўйнаши маълум

"Манчестер Юнайтед"нинг янги харид қилинган ҳужумчиси, ёзги трансфер ойнасида Амстердамнинг "Аякс" клубидан катта пулга сотиб олинган Антони қайси рақам остида ўйнаши маълум.

Манкунианликлар матбуот хизмати хабарига кўра, 22 ёшли футболчи "қизил иблислар" сафида 21-рақам тўп тепадиган бўлди. Унгача бу рақамдан Андер Эррера, Эдинсон Кавани ва Даниэль Жеймс фойдаланган.

Антонининг трансфери МЮ раҳбариятига 95 миллион еврога тушди. У билан 2027 йилнинг июнь ойи охиригача амал қиладиган узоқ муддатли шартнома имзоланган.

"Манчестер Юнайтед"нинг навбатдаги ўйини Лондоннинг "Арсенал" жамоасига қарши бўлади. Учрашув 4 сентябр якшанба куни "Олд Траффорд"да бўлиб ўтади.