"Манчестер Юнайтед"нинг яна бир футболчиси Италияга йўл олиши мумкин

“Манчестер Юнайтед” клуби ярим ҳимоячиси Жесси Лингард фаолиятини Италия А Сериясида давом эттириши мумкин.

Metro нашри тарқатган хабарга кўра, англиялик футболчи “қизил иблислар” бошқарувига Уле Гуннар Сульшер келганидан сўнг, мунтазам ўйин амалиётига эга бўла олмаяпти. Шу сабабли у жамоадан кетмоқчи.

Лингардга эса “Милан”дан жиддий қизиқишлар бор. Жесси ҳозирда Италияда тўп сураётган МЮдаги собиқ жамоадошлари – Эшли Янг (“Интер”) ва Крис Смоллинг (“Рома”) билан яқин алоқада ҳисобланади. Айнан ушбу футболчилар унинг А Серияга кўчиб ўтишида муҳим роль ўйнаши мумкин.

Жесси Лингард жорий мавсум МЮ сафида 35 та ўйинда майдонга тушди ва 2 та гол ҳамда 2 та голли узатмага муаллифлик қилди.