Манчестерда катта тозалаш бошланди: Тўрттаси кетади!

“Манчестер Юнайтед” Англия Премьер-лигасидаги муваффақиятсиз мавсумдан кейин таркибида жиддий ўзгаришларга қўл уришни режалаштирмоқда.

Daily Mail нашрининг маълум қилишича, Рубен Аморим бошчилигидаги мураббийлар штаби келаси мавсум режасига киритилмаган ўйинчилар рўйхатини шакллантира бошлади.

Унга кўра, жамоани биринчилардан бўлиб, тўрт нафар футболчи – Антони, Алехандро Гарначо, Маркус Рэшфорд ҳамда Каземиро тарк этиши керак.

Манчестерликлар бу футболчиларни тўлиқ сотиб юбориб, уларнинг трансферидан келадиган маблағларни янги ижрочиларни олиш учун сарфламоқчи.

Айни пайтда бу тўрт чарм тўп устасидан икки нафари – Каземиро ва Гарначо жамоа ихтиёрида қолган. Клуб Маркус Рэшфордни “Астон Вилла”га, Антонини эса, “Бетис”на ижарага юборган. Аморимга керак бўлмай қолган бу футболчилар янги жамоасида ижобий кўрсаткичларни қайд этмоқда.