Manchesterga 2 metrli gigant hujumchi keladi

Yozgi transferlar vaqtida tarkibini kuchaytirishni rejalashtirayotgan “Mancheste Yunayted” darrov ko‘zga tashlanadigan noyob iste’dod egasini topdi.

The Sun nashrining ma’lum qilishicha, manchesterliklar A Seriyada o‘ynayotgan “Udineze” forvardi Lorentso Lukkaga jiddiy qiziqish bildira boshladi.

Manbaga ko‘ra, “Manchester Yunayted” 24 yoshli futbolchini transferlar ro‘yxatining birinchi qatoriga yozib qo‘ygan.

“Udineze” hujumchini 35 million funt sterling evaziga qo‘yib yuborishga tayyor.

Agar bu transfer amalga oshib, Lukka Manchesterga kelsa, Angliya Premer-ligasida eng novcha futbolchi bo‘ladi. Chunki uning bo‘yicha ikki metrdan baland.

Angliya futbolida 2019 yili “Liverpul” hujumchisi Piter Krauch faoliyatini yakunlanganidan beri bo‘yicha ikki metrdan yuqori bo‘lgan o‘yinchi ko‘rinish bermagan edi.

Lukka joriy mavsumda barcha turnirlarda 32 ta uchrashuvda qatnashib, o‘z hisobiga 13 ta gol va ikkita assist rasmiylashtirib qo‘ydi.