Манчестерга бош мураббий бўлсам, шу уч футболчини йўқотаман!

“Манчестер Юнайтед” бош мураббийлигига катта умидлар билан олиб келинган Рубен Аморим ҳам ишончли тўлиқ оқлай олмади.

Португалиялик мутахассис қўл остида жамоада айтарли ижобий ўзгаришлар бўлгани йўқ. Клуб раҳбарияти яна бош мураббийни ўзгартиришга бел боғлаган. Сўнгги маълумотларга қараганда, “Юнайтед”ни Хави Эрнандес қабул қилиб олишга тайёр.

El Nacional нашрининг ёзишича, “Барселона”нинг собиқ устози “Манчестер Юнайтед” таркиби бўйича ўз режаларини ишлаб чиқа бошлади. Унга кўра, испаниялик мутахассис жамоани қабул қилиб олиши  билан уч футболчини ҳайдайди.

Хави дарвозабон Андре Онана, ҳимоячи Маттейс де Лигт ва ҳужумчи Алехандро Гарначо билан ишламоқчи эмас. Бундан ташқари, вақт ўтиши билан таркиб Хавига маъқул келмайдиган ўйинчилар билан хайрлашиб боради.