Манчестерликлар “Барса”га зўр таклиф тайёрлади

“Манчестер Юнайтед” раҳбарияти жамоага керак бўлмай қолган Мэйсон Гринвуддан тўлиқ қутилмоқчи.

Англиялик футболчи мавсумни ижара асосида “Хетафе”дан ўтказиб, анча самарали ўйин кўрсатди ва “Барселона” назарига тушди.

Манчестерликлар ўз тарбияланувчисини Каталонияга қўйиб юборишга тайёр ва бу борада ўз таклифини шакллантирди. Улар Гринвудни “Барса”нинг бразилиялик ҳужумчиси Витор Рокега алиштирмоқчи.

Роке январда келганига қарамай, етарли даражада ўйин амалиётига эга бўлмади. Унинг агентлари ёзда футболчини бошқа жамоага олиб ўтмоқчи.