Манчестерликлар ҳеч ким танимайдиган ҳужумчи олиб келади

«Сириус» клуби таркибида тўп суриб келаётган шотландиялик ҳужумчи Робби Юр яқин вақт ичида жамоасини алмаштириши мумкин. Бу ҳақда журналист Марк Брус хабар берди.

Манбанинг маълум қилишича, футболчига икки йирик клуб даъво қилмоқда. Робби Юр хизматларига «Манчестер Юнайтед» ва «Челси» жамоалари жиддий қизиқиш билдирган. Англия грандалари ҳужумчини трансфери бўйича музокараларни бошлаб юборган.

Робби Юрнинг амалдаги шартномаси «Сириус» билан 2029 йил декабригача мўлжалланган. Transfermarkt портали маълумотларига кўра, ҳужумчининг бозор қиймати 5 миллион евро атрофида баҳоланмоқда.

Юр ҳозиргача «Сириус» сафида жами 49 ўйин ўтказган. У шу вақт мобайнида 31 та гол урган ва 7 та голли пас муаллифи бўлган.