Манчестерликлар терма жамоа ҳимоячиси учун катта пул тикди

«Манчестер Юнайтед» ёзги трансфер ойнасининг навбатдаги катта битимига тайёргарлик кўрмоқда. 

TEAMtalk нашрининг ёзишича, клуб «Ньюкасл» таркибида ўйнаётган чап қанот ҳимоячиси Льюис Холл учун 60 миллион фунт таклиф қилишга ҳозир.

Манбага кўра, агар томонлар келишувга эришса, бу сумма «МЮ»нинг жорий ёздаги энг йирик трансферига айланади. 

Маълумотни футбол оламидаги ишончли манбалардан бири саналган инсайдер Фабрицио Романо ҳам тасдиқлаган. Унинг таъкидлашича, Льюис Холл ҳозирча инглиз грандининг трансфер рўйхатидаги энг устувор номзодлардан бири бўлиб қолмоқда.

Льюис Холл 2024 йили «Челси»дан «Ньюкасл»га ўтган эди. Ўтган мавсумда у «сорок» таркибида 46 та ўйин ўтказиб, бир гол урди ва икки бор голли узатма муаллифига айланди.