Мане, Салоҳ ва Махрез ёхуд Африкада йилнинг энг яхши футболчиси учун номзодлар маълум

Африка футбол Конфедерацияси (CAF) 2021/22 йилги мавсумнинг энг яхши футболчиси номига даъвогарлар рўйхатини эълон қилди.

Рўйхатдан Садио Мане (“Бавария” ва Сенегал), Муҳаммад Салоҳ (“Ливерпуль” ва Миср), Риёд Махрез (“Манчестер Сити” ва Жазоир), Карл Токо-Экамби (“Лион” ва Камерун), Венсан Абубакар (“Ан-Наср” ва Камерун), Себастьян Аллер ( "Боруссия Д" ва Кот-д'Ивуар), Наби Кейта (“Ливерпуль” ва Гвинея), Ашраф Ҳакими (ПСЖ ва Марокаш), Эдуард Менди (“Челси” ва Сенегал) ҳамда Калиду Кулибали (“Наполи” ва Сенегал) каби футболчилар жой олди.

Йилнинг энг яхши терма жамоаси номи учун Буркина-Фасо, Миср, Камерун, Марокаш ва Сенегал кураш олиб боради.

Ғолиблар Конфедерация техник қўмитаси, журналистлар, терма жамоалар бош мураббийлари ва сардорларининг овоз бериш йўли билан аниқланади.

CAF Awards 2022 21 июль куни Марокашнинг Работ шаҳрида бўлиб ўтади.