Мане "Манчестер Юнайтед"га ўтишни хоҳлаган

“Ливерпуль” ҳужумчиси Садио Мане дастлаб “Манчестер Юнайтед”га ўтмоқчи бўлганини айтди.

“Мен “Ливерпуль”га трансфер бўлишимни кутмагандим. Кўпроқ “Манчестер Юнайтед”га ўтиш ҳақида ўйлардим. Ўша пайтлар мен учун осон бўлмаган, чунки, асосан захирада ўтирардим. Кимдир менга қўнғироқ қилишини ҳам кутмаганман. Аммо, Юрген Клопп менинг рақамимга қўнғироқ қилганида, жуда ҳам хурсанд бўлиб кетганман”, - дейди сенегаллик футболчи.

Мане 2016 йил 40 млн евро эвазига “Саутгемптон”дан “Ливерпуль”га кўчиб ўтган эди. У жорий мавсум АПЛда 26 та ўйинда иштирок этди ва 14 та гол ҳамда 9 та голли узатмага муаллифлик қилди.