Манени нега Сенегал терма жамоасига чақиришмади?

Сенегал терма жамоаси бош мураббийи Патрик Виейра ўзининг илк таркибида «Ан-Наср» ҳужумчиси Садио Мане нега йўқлигига изоҳ берди.

Франциялик мутахассис 2027 йилги Африка миллатлар кубоги саралаш босқичининг дастлабки босқичида Мозамбик ва Эфиопияга қарши ўйинлар учун эълон қилинган рўйхатга Мане исмини киритмади.

«Мен Садио билан телефон орқали суҳбатлашдим. Унинг соғлиғи билан боғлиқ муаммолари бор. Шунинг учун у бу йиғинда биз билан бўлмайди. Бироқ катта эҳтимол билан кейинги йиғинда жамоага қўшилади», — дея Виейранинг сўзларини Seneweb нашри келтиради.

34 ёшли Мане, «Ливерпуль» таркибидаги ўйинлари билан яхши танилган. У Сенегал терма жамоаси сафида 130 та ўйин ўтказиб, 54 та гол урган. Ёз ойларида унинг терма жамоадаги фаолияти якунлангани ҳақида хабарлар тарқалган эди, аммо бу маълумотлар кейинчалик рад этилди.