Маненинг трансфери "Барселона"га қанчага тушиши мумкин?

"Барселона" клуби "Ливерпуль" форварди Садио Манени ўз сафига қўшиб олмоқчи. Бу ҳақда Mirror нашри хабар тарқатмоқда.

Бироқ, сенегаллик тўпурарни қўлга киритиш “кўк-анор ранглилар” учун осон кечмаслиги аниқ. Маненинг трансфери каталонияликларга жами 260 млн еврога тушади. Боиси, “Барса” футболчининг трансфер нархига яна қўшимча 100 млн евро қўшиб бериши керак.

Айтиш керакки, бундай келишув Филиппе Коутиньонинг трансферида ҳам амалша оширилган эди.

Маълумот учун, 27 ёшли Мане жорий мавсум “Ливерпуль” сафида жами 34 та ўйинда майдонга тушди ва 17 та гол ҳамда 11 та голли узатмага муаллифлик қилди. Унинг клуб билан амалдаги шартномаси 2023 йилга қадар имзоланган.