Манжукич "Милан"да ўйнамоқчи

Хорватиялик ҳужумчи Марио Манжукич фаолиятини давом эттириш учун 5 та вариантга эга бўла туриб, "Милан"ни танлади.

Италиялик журналист Николо Скиранинг маълум қилишича, 34 ёшли футболчига Испания, Туркия ва Россия клубларидан таклифлар бўлган. Аниқроғи, эркин агент ҳисобланган Манжукичга "Сельта", "Бешиктош", "Локомотив", ЦСКА ва "Спартак" клублари жиддий таклиф билан мурожаат қилган.

"Бавария", "Атлетико" ва "Ювентус" клубларидаги фаолияти билан танилган Манжукич “Милан”да ўйнашни режалаштирмоқда.