Манжукич "Милан"га ўтишга яқин турибди

Туриннинг "Ювентус" клуби форварди Марио Манжукич катта эҳтимол билан фаолиятини "Милан"да давом эттиради. Бу ҳақда Il Giornale нашри хабар тарқатмоқда.

Юқоридаги манбаага кўра томонлар 33 ёшли хорватиялик футболчининг шартнома бандлари борасида келишувга эришишган. Бироқ, ушбу трансфер қишда амалга ошириладими ёки мавсум якунлангачми, бу ҳали номаълум.

Таъкидлаш керакки, Манжукич “кекса синьора”нинг амалдаги бош мураббийи Маурицио Саррининг режаларига кирмайди ва шу боис тезроқ жамоасини ўзгартириш ниятида.

Эслатиб ўтамиз, бундан аввалроқ Манжукичга МЮ ва “Интер”дан ҳам қизиқишлар борлиги ҳақида хабарлар тарқалган эди.