Мануель Нойер: "Барселона кеча биздан кўра шиддатли ўйнади"

"Бавария" дарвозабони Мануель Нойер Чемпионлар лигасида "Барселона"дан учралган йирик мағлубият ҳақида гапириб ўтди.

"Иккала жамоа ҳам таваккалчилик билан ҳаракат қилишди. Шунинг учун хатолар ва ўзгаришлар кўп бўлди. Биз хатоларга йўл қўйдик. Ярим ҳимояда фаолроқ ва тажовузкор бўлишимиз керак эди. Чунки "Барселона"нинг ҳужумида Рафинья каби тезкор футболчилар борлигини билардик. Аммо бугун шунинг ўзи етарли эмас эди.

Шуни ҳам айтиш керакки, каталонияликлар анча йиллардан бери илк марта ўзаро баҳсларимизда бизга қараганда шиддатли ўйнади", - деди "Бавария" дарвозабони.