Мареска “Арсенал”дан учралган мағлубият сабабини айтди

“Манчестер Сити” бош мураббийи Энцо Мареска Англия Суперкубоги финалида Лондоннинг “Арсенал” жамоасига қарши кечган ва 0:3 ҳисобида якунланган учрашувдан сўнг ўз фикрларини билдирди.

Бу ўйин Маресканинг “шаҳарликлар” бош мураббийи сифатидаги дебюти бўлди.

- Ўйлашимча, афсуски, 25-сонияда ўтказиб юборган голимиз ўйин боришига таъсир қилди. Гол ўтказиб юборганимиздан кейинги реакциямиз анча яхши бўлди. Улар иккинчи голни ургунларига қадар бизда гол уриш ва ҳисобни тенглаштириш учун уч ёки тўртта имконият бўлди. Аммо, афсуски, иккинчи голни ҳам ўтказиб юбордик ва вазият янада мураккаблашди.

Бу эрта гол мени хафа қилди, чунки бундай ўйинларда жамоалар даражаси бир-бирига жуда яқин бўлади ва гол ўтказиб юборсангиз, вазият қийинлашади. Аммо, менимча, биринчи голдан кейин биз анча яхши ҳаракат қилдик ва вазиятлар яратдик. Лекин 0:2 ҳисоби ишимизни янада мушкуллаштирди.

Келаси якшанба куни Премьер-лигада мавсумни бошлаймиз ва шунда ўтказиб юборилган голларга реакция кўрсатишга эътибор қаратишимиз керак бўлади. Олдимизда жуда кўп иш бор. Мавсум энди бошланди, шунинг учун яхшилашимиз керак бўлган жиҳатлар кўп. Ҳатто ўйинларда ғалаба қозонсак ҳам, янада яхшироқ қилишимиз керак бўлган томонлар бор,  - деди Эно Мареска .

Эслатиб ўтамиз, Энцо Мареска “Манчестер Сити” бош мураббийи лавозимида Хосеп Гвардиоланинг ўрнини эгаллаган.