Маресканинг кетгани “Челси” футболчиларига нега ёқмади?

The Athletic нашри хабарига кўра, “Челси” футболчилари бош мураббий Энцо Маресканинг истеъфога чиқарлишини хавотир билан қабул қилган. Италиялик мутахассис 2024 йилдан бери жамоани бошқариб келган бўлса-да, унинг кетгани жамоа ичидаги ишонч ҳиссига жиддий зарба бўлди.

Манбалар таъкидлашича, кўпчилик футболчилар Мареска қўл остида ишлашни ёқтирган. Айрим ўйинчилар унинг такаббурлигини таъкидлаган бўлса-да, жамоадаги умумий муҳит ижобий эди. Мураббий ишчи мувозанатни сақлаб қолган ва футболчилар қўллаб-қувватлашини намойиш этиб келган.

Энди эса, “Челси” етакчи футболчилари клуб раҳбариятининг бу қарори оқибатларидан чўчияпти. Жамоа лидерлари Маресканинг ишдан олиниши эндигина шакллана бошлаган барқарорликни бузиши мумкин, деб ҳисобламоқда.

Футболчиларнинг асосий эътирози мураббийларнинг тез-тез алмашиши жорий мавсумда совринлар учун ҳақиқий кураш олиб боришга тўсқинлик қилаётганидир.