Марказий учрашувда ғалаба қозонган ПСЖ пешқадамга айланди
Почеттино шогирдлари муҳим ғалабани қўлга киритди.
Франция Чемпионати 30-туридан ўрин олган "Лион" - ПСЖ учрашуви ўз ниҳоясига етди. Унда парижликлар 4:2 ҳисобида зафар қучди.
Дастлаб, меҳмонлар Мбаппенинг дубли, Данилу ва Ди Мариянинг голлари эвазига 4:0 ҳисобида олдинга ўтиб олди. Кейинчалик, майдон эгалари Слимани ҳамда Корне томонидан берилган аниқ зарбалар билан ҳисобдаги фарқни бироз бўлсада қисқартиришга муваффақ бўлди.
Шундай қилиб, ПСЖ 30-турдан кейин 63 очко жамғарган ҳолда, пешқадамга айланди. Улардан 3 очко кам тўплаган "Лион" кучли учликка якун ясаган.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар