Маркиньос: «Биз оғир стартдан кейин жамоалар қандай қилиб совринлар ютиб олганини кўрганмиз»

«ПСЖ» ҳимоячиси Маркиньос жамоанинг янги мавсумдаги омадсиз стартлари ҳақида фикр билдирди.

«Мавсум бошида қийналган, лекин кейин формага кириб, совринлар ютиб кетган жамоаларни кўп кўрганмиз. Биз ҳам ўз кучли томонларимизни тўғри ишга солишимиз, ўйинимизда барқарорликка эришишимиз керак. Ҳар доим барча совринлар учун курашишни истаймиз. Биринчи навбатдаги мақсадимиз — Чемпионлар лигасида умумий босқичда имкони борича юқори ўринни эгаллаш», — дея Маркиньос сўзларини парижликлар матбуот хизмати келтиради.

Франция чемпионатидаги дастлабки уч турда «ПСЖ» бирор марта ғалаба қозона олмади ва жами икки очко тўплади. Шуни ҳам қайд этиш керакки, Лига 1 бошланишидан олдин Луис Энрике бошқарувидаги жамоа мамлакат Суперкубоги учун баҳсда «Ланс»га мағлуб бўлган эди.

9 сентябрь куни «ПСЖ» Чемпионлар лигасидаги иштирокини ўз майдонида «Слован»га қарши ўйин билан бошлайди.