Марсело "Реал"да "абадий" рекорд ўрнатди

"Реал"нинг бразилиялик ҳимоячиси Марсело бу жамоада энг кўп соврин ютиш бўйича рекорд ўрнатди.

Ла Лиганинг 34-турида “Реал” ўз майдонида “Эспаньол”ни (4:0) мағлуб этиб, чемпионликни қўлга киритди. Марсело учун бу соврин “қироллик клуби”даги 24-кубок бўлди. Бу кўрсаткич бўйича у Франсиско Гентони (23) ортда қолдирди ва мутлақ рекордчига айланди.

33 ёшли Марсело "Реал" билан олтита Ла Лига, иккита Испания кубоги, бешта Испания Суперкубоги, тўртта Чемпионлар Лигаси, учта УЕФА Суперкубоги ва тўртта клублар ўртасидаги жаҳон чемпионатида ғалаба қозонган.

Марселонинг “Реал” билан амалдаги шартномаси шу ёз ўз ниҳоясига етади.