Марсело "Реал"да қолиш учун бу ишни қилишга тайёр!

Мадриднинг "Реал" клуби ҳимоячиси Марсело жамоада қолишни истамоқда. Бу ҳақда Football Espana нашри хабар тарқатди.

Юқоридаги манбага кўра, 33 ёшли бразилиялик футболчи "қироллик клуби"даги ҳаётидан мамнун ва клуб билан янги шартнома имзолаш учун маошини камайтиришга ҳам тайёр.

Қайд этилишича, “Реал” раҳбарияти футболчи билан шартномани узайтиришни режалаштирмаган, бироқ уни маъмурий лавозимга ишга олиб ўтилиши ҳам истисно этилмаяпти.

Марселонинг клуб билан шартномаси жорий мавсум охирида тугайди. У бу мавсум бор йўғи 12 та ўйинда майдонга тушди холос.