Марсело "Реал"нинг тарихий рекордини такрорлади

Хабарингиз бор, "Реал" Испания Суперкубоги финалида "Атлетик" Бильбао устидан 2:0 ҳисобида ғалаба қозонди ва бош совринни қўлга киритди.

Эътиборлиси, бу Марсело учун “қироллик клуби” сафидаги 23-соврин бўлди. У бу борада афсонавий Пако Хентонинг рекордини такрорлади ва “Реал” сафида энг кўп соврин ютган футболчига айланди.

Марсело бу борада "Реал"дан ПСЖга кўчиб ўтган ҳимоячи Серхио Рамосни (22) ортда қолдирди.