Марселонинг болаликдаги орзуси амалга ошди

Мадриднинг “Реал” клуби ҳимоячиси Марсело ЖЧ–2018 турнирининг Швейцарияга қарши гуруҳ босқичи илк баҳсида Бразилия терма жамоасини майдонга сардор сифатида бошлаб тушиши ҳақида хабар берилганди.

“Реал”да 4 йилдан буён вице-сардор вазифасини бажариб келаман. Умид қиламанки, менинг тажрибам Бразилия термасига фойда келтиради. Миллий терма жамоа сардори бўлишдан мамнунман, мен ватаним термасига сардорлик қиламан – бу ҳақда болаликдан орзу қилардим. ЖЧ–2018 илк ўйинида сардор бўлиб чиқиш – бебаҳодир”, – деди Марсело.

Қайд этиш керакки, Марсело Хулен Лопетегининг “Реал” бош мураббийи этиб тайинланиши ҳақидаги саволга жавоб беришдан бош тортди.