Мартин Боаке АГМКга ҳам керак...

АГМК клубининг легионерларидан бири Мартин Боаке юртимизда ўтган йилдан буён тўп суриб келмоқда. Билсангиз керак, у аввалига “Андижон” жамоасида мавсумни бошлади. Ёзги трансфер пайтида эса АГМКдан тушган таклифни қабул қилиб Миржалол Қосимов жамоасига ўтиб кетди. Келиб чиқиши асли ганалик бўлган, аммо Италия фуқароси саналган Боаке биринчи даврада “Андижон”да 2 та, АГМКда эса 4 та гол урди.

Маълум бўлишича, 27 ёшли легионерга “Навбаҳор” клуби томонидан қизиқиш бўлган, аммо АГМК клубига ҳам Мартин керак эди. Шу боис бу трансфер амалга ошмади. Боз устига ҳужумчининг олмалиқликлар билан амалда яна бир йиллик шартномаси мавжуд эди. Шунинг учун АГМК Боаке билан шартномани бекор қилмади ва унга яна ишонч билдиришда давом этмоқда.