Мартинес ва Павар "Барса"га қарши баҳсда майдонга тушадими?

Лаутаро Мартинес "Барселона"га қарши баҳсда майдонга тушиши мумкин.

Инсайдер Жанлука Ди Марционинг ёзишича, ҳужумчи Чемпионлар Лигаси ярим финалида "кўк-анорранглилар"га қарши жавоб ўйинида асосий таркибдан жой олиши мумкин. Бенжамен Павар ҳам шундай.

Иккала футболчи ҳам бугун бироз чекловлар билан бўлса-да, умумий гуруҳ машғулотларида иштирок этди. Фратези жароҳат туфайли шуғулланмади.

Маълумот учун, Мартинес "Барселона"га қарши дастлабки ўйиннинг биринчи бўлимида сонидан жароҳат олганди. Павар эса 27 апрель куни "Рома"га қарши ўйинда тўпиғини шикастаб олган.