"Машъал" футболчиси жамоадан кетди!

“Машъал” клубининг иқтидорли ўйинчиларидан бири Собит Синдаров жамоани тарк этди.

Февралда 26 ёшга тўладиган футболчи ўтган йили иккита клубда тўп сурди. Аввалига “Бухоро”да, сўнг “Машъал” сафида ҳаракат қилди.

Синдаров Бухороликлар билан 13 та, муборакликларда эса 9 та ўйинда майдонга тушди.Собит ҳар иккала жамоа сафида биттадан гол урди.

“Машъал” билан тузилган шартномаси якунлангани сабабли футболчи эндиликда эркин агентга айланди.