Машарипов дебют ўйинида "Истиқлол"ни мағлубиятдан қутқариб қолди

Эрон Про-Лигаси 17-туридан ўрин олган "Малаван" ва "Истиқлол" жамоалари ўртасидаги ўйин якунланди. Мазкур тўқнашувда жамоалар 1:1 ҳисобида дуранг ўйнади.

Теҳрон клуби сафида ҳаракат қилаётган легионеримиз Жалолиддин Машарипов ушбу баҳсда дебют қилди ва жамоасини мағлубиятдан қутқариб қолди. 68-дақиқада Машарипов Жалалининг узатмасини голга айлантирди.

Маълумот учун, "Истиқлол" айни дамда 36 очко билан турнир жадвалида пешқадамлик қилмоқда.