Masharipov va Hamrobekov harakat qilayotgan jamoaning aprel oyidagi o‘yinlari. Dubay klubi o‘zbek jamoasiga qarshi o‘ynashi mumkin (Foto)

FIFA kunlari yakunlanib, yana klublar futboliga qaytdik. Bilasiz, BAAning "Shabab Al-Ahli" jamoasida 3 nafar legionerimiz to‘p tepmoqda. 

Dubayliklar rasmiy sahifasi jamoaning aprel oyidagi o‘yinlar ro‘yxatini taqdim etdi. Jamoa ertaga milliy chempionat doirasidagi navbatdagi o‘yinni "Al-Fujayra"ga qarshi o‘tkazadi. 9 aprel kuni Hamrobekov jamoadoshlari Fors ko‘rfazi kubogining final bosqichida "Al-Nasr" bilan o‘ynaydi. Keyinchalik, dubayliklar OChLdagi o‘yinlarini o‘tkazish uchun Saudiya Arabistoniga jo‘nab ketadi.

Ma’lumot uchun, agar AGMK saralash bosqichidan muvaffaqiyatli o‘tsa, olmaliqliklar Masharipov harakat qilayotgan jamoa bilan bir guruhdan joy oladi.