Машҳур клубни 42 йил бошқарган раҳбар оламдан ўтди. У коррупцияда ҳам айбланган эди...

Португалиянинг энг кучли клубларидан “Порту”га 42 йил давомида президентлик қилган Пинту Да Кошта оламдан ўтди.

Бу мутахассис клуб бошқарувини 1982 йили қабул қилиб олиб, лавозимда 2024 йилгача фаолит юритган.

- Абадий хотиржамлик, ўлмас мерос. Президентлар президенти, алвидо, -деб таъсия билдирди “Порту” матбуот хизмати.

Пинту да Кошта жаҳон футболида энг узоқ муддат президентлик қилган ва энг кўп соврин ютган раҳбар сифатида рекорд ўрнатган. Унинг 42 йиллик бошқарув даврида “Порту” 69 та совринга эга чиққан эди.

Собиқ раҳбар Португалия футболида шов-шув бўлган коррупцияга боғлиқ “Апито Доурадо иши”га аралашиб қолган. 2008 йилнинг майида икки йиллик дисквалификацияга учраган Пинту Да Кошта 2009 йилнинг апрелида оқланган эди.