Машҳур юлдуз икки йил деганда майдонга тушди ва ўн дақиқада ҳайдалиб кетди

Англиялик машҳур футболчи Деле Алли фаолиятида ғалати ҳодиса юз берди. Ўз даврида “Тоттенхэм”да порлаган ва Англиянинг энг зўр ҳужумкор футболчиларидан бўлган Деле Алли тақдир тақозоси билан айни кучга тўлган пайтида ишсиз қолди.

“Тоттенхэм”дан “Эвертон” кўчиб ўтган ва Орада ижара асосида “Бешиктош”да тўп тепган Деле Алли икки йил футболдан ташқарида юрди.

28 ёшли ярим ҳимоячини яқинда “Комо” ўз сафига қўшиб олган эди. Сеск Фабрегас деле Аллини А Сериянинг 29-турида “Милан”га қарши ўйинда майдонга туширди. Алли охирги маротаба бундан икки йил олдин – 2023 йилнинг 26 февралида “Бешиктон” ва “Антальяспор” ўйинида тўп тепган.

“Милан”га қарши беллашувда 81-дақиқадан ўйинга қўшилган англиялик чарм тўп устаси орадан ўн дақиқа ўтиб, майдондан ҳайдалди. Унинг Рубен Лофтус Чикка қарши ишлатган фоли ҳакам томонидан қизил карточка билан жазоланди.

“Милан” футболчилари эса ўз майдонида биринчи бўлиб гол ўтказиб юборганига қарамай, учрашувда 2:1 ҳисобида зафар қучди.