Машҳур юлдуз қийин аҳволга тушиб қолди

Испания чемпионатида иштирок этаётган Бильбаонинг “Атлетик” клуби кутилмаган муаммога дуч келди. Жамоа етакчиси Нико Уильямс чов соҳасидаги чурра ривожланаётгани боис номаълум муддатга сафдан чиққан.

Бу жароҳат унинг ўйинларда иштирок этиш имкониятларини сезиларли даражада чекламоқда. Клуб бош мураббийи Эрнесто Вальверде Уильямснинг тикланиш муддатлари ҳозирча аниқ эмаслигини маълум қилди.

Бу ҳақда Goal хабар бермоқда.

Футболчи бир қатор тиббий текширувлардан ўтади, улар натижалари асосида даволаш режаси тузилади. Дастлабки маълумотларга кўра, Уильямс камида бир ой давомида ўйнай олмайди. Бу эса у 3 март куни бўлиб ўтадиган Испания кубоги ярим финали жавоб учрашувида “Реал Сосьедад”га қарши ўйинни ўтказиб юборишини англатади.

Жорий мавсумда 23 ёшли футболчи клуб сафида 26 та ўйинда иштирок этиб, 4 та гол урган ва 6 та голли узатма берган.