"Машъал" — "Бухоро" ўйини қолдирилди

Хабарингиз бор, Coca Cola Суперлига ва U21 Биринчилиги жамоалари учрашув олдидан PZR тести топширишлари лозим. "Машъал" U21 жамоаси ЎзПФЛга тест натижаларини топширмагани боис, U21 Биринчилиги 12-туридан ўрин олган "Машъал" ҳамда "Бухоро" жамоалари ўртасидаги ўйин қолдирилди. Бу ҳақда ташкилот расмий сайти хабар бермоқда.

“Футбол бўйича мамлакат чемпионати ва кубоги учрашувларини ва машғулотлар жараёнини қайтадан бошлаш” бўйича ишлаб чиқилган Регламентга кўра, "Машъал" жамоаси тест топширмаган бўлса, клубга техник мағлубият ёзилади.  Агарда, клуб PZR тестини топширган ва клиника билан боғлиқ муаммо юзага келиб, жавоблар кечикиши кузатилган бўлса, учрашув кейинроқ ўтказилади. ЎзПФЛ Комиссияси буни ўрганиб чиқади ва вазиятга қараб, қарор қабул қилади", - дейилади хабарда.