Маскерано: “Месси ўйинга тайёр эди, лекин биз таваккал қилмадик”

"Интер Майами" бош мураббийи Хавьер Маскерано Лионель Мессининг "Филадельфия"га қарши ўйини ҳақида фикр билдирди.

Хабарингиз бор, аргентиналик юлдуз 55-дақиқада майдонга тушиб, икки дақиқадан сўнг ғалаба голини киритган эди.

"Биз Леонинг ўйин амалиётига эга бўлишини хоҳладик. Режамиз уни 30-35 дақиқа ўйнатиш эди. Аммо қўшимча вақт билан бирга, у майдонда кўпроқ қолди ва ўзини яхши ҳис қилмоқда.

Бошиданоқ таваккал қилмасликни мақсад қилган эдик, шунинг учун у асосий таркибда тушмади. Ҳозир эса барчаси яхши ва биз бундан мамнунмиз.

Ҳозирги режамиз – уни бироз дам олдириб, кейин Лос-Анжелесга (КОНКАКАФ Кубоги чорак финали) олиб кетиш. Бугун у бутун ўйинни ўтказишга тайёр эмасди, аммо 45 дақиқа ўйнаши унинг жисмоний ҳолати учун фойда берди. Агар барчаси режа бўйича кетса, у сафардаги ўйинга жўнаб кетади" – деди Маскерано.