Матич: "Рэшфорд" ҳозирда жамоанинг энг яхши футболчиси"

"Рома" ярим ҳимоячиси Неманья Матич Англия премьер-лигасининг жорий мавсумида 16 та гол урган ва 5 та голли узатмани амалга оширган "Манчестер Юнайтед" ҳужумчиси Маркус Рэшфорднинг муваффақиятини юқори баҳолади.

"Рэшфорд “Манчестер Юнайтед”нинг энг яхши футболчиларидан бири, ҳатто энг яхшиси. У кўп гол уради ва шу руҳда давом этиши керак. Муваффақиятга эришиш учун ҳар бир футболчи клубнинг қўллаб-қувватлашига муҳтож", - дея сербиялик футболчининг сўзларини келтиради "Centre Devil" нашри.

Эслатиб ўтамиз, Матич 2017 йилдан 2022 йилгача "қизил иблислар" шарафини ҳимоя қилган. Ўтган мавсум охирида футболчи жамоани тарк этиб, эркин агент сифатида Италиянинг "Рома"сига ўтган эди.