Махачев Макгрегорга қарши жанг қилишга тайёрми?

Енгил вазнда UFC чемпиони россиялик Ислом Махачевнинг манфаатларини ҳимоя қилаётган таниқли спорт менежери Али Абдел-Азиз мижозининг ирландиялик Конор Макгрегор билан эҳтимолий жанги ҳақида гапирди.

"Махачев ва Макгрегор ўртасидаги жанг? Бўлиши мумкин. Бу ақлбовар қилмас спорт. Конор Чандлерни биринчи раунддаёқ нокаутга учратиши мумкин ва кейин ҳамма уни ММАдаги энг йирик юлдузлардан бири деб айта бошлайди. У сизга ёқадими ёки йўқми, бу Конор.

Агар у UFC’га: “Ҳой, мен чемпионлик учун жанг қилмоқчиман” деса, Ислом йўқ демайди. У бу курашни рад этмайди. Макгрегор аҳмоқ, лекин у ҳам катта юлдуз. Сиз буни ундан тортиб ололмайсиз ”, - деди Абдел-Азиз Submission Radio’нинг YouTube каналида.

Эслатиб ўтамиз, Макгрегор ва Чандлер ўртасидаги жанг июнь ойи охирида бўлиб ўтади.