Maykl Karrik mavsum oxirigacha "Manchester Yunayted"ni boshqaradi

2025/2026 yilgi mavsum oxiriga qadar "Manchester Yunayted" bosh murabbiyi Maykl Karrik bo‘ladi. Bu haqida ko‘plab insayderlar, jumladan Fabrizio Romano ham bir ovozdan xabar bermoqda. Kutilmoqda ki, "qizil iblislar" Karrik tayinlovi haqida yaqin kunlarda rasmiy e’lon qiladi.

"UnitedMuppetiers" ma’lumotlariga ko‘ra, Maykl Karrikning murabbiylar shtabiga Darren Fletcher ham qo‘shilishi kerak. Ruben Amorim ishdan bo‘shatilganidan so‘ng Fletcher bir necha uchrashuvda jamoani vaqtincha boshqargan edi.

O‘sha bahslarda "Manchester Yunayted" Premyer ligada "Börnli" bilan 2:2 hisobida durang o‘ynadi hamda Angliya Kubogida "Brayton"ga 1:2 hisobida mag‘lub bo‘ldi.