Майкл Оливер “Ливерпуль” – “Манчестер Сити” ўйинидан сўнг икки клуб ўйинларидан четлатилди!

Англия Премьер-лигасида ўйинларида ҳакамлик қиладиган Майкл Оливер “Ливерпуль” ва “Манчестер Сити” ўртасида якшанба куни бўлиб ўтган баҳсдаги VAR қарорлари сабаб икки клуб учрашувларида фаолият юритмаслиги белгиланди.

40 ёшли Оливер Англиянинг энг тажрибали рефериларидан бири бўлиб, 400 дан ортиқ лига ўйинларини бошқарган. У Манчестер шаҳридаги ўйинда VAR вакили сифатида ишлади.

Йил бошида Оливер “Ливерпуль” — “Эвертон” (2:2) учрашувида танқидга учраган эди. Якшанба куни эса яна танқид марказига айланди: “Манчестер Сити” – “Ливерпуль” (3:0) ўйинида Виржил ван Дeйкнинг биринчи бўлимдаги бош билан урган голи VAR томонидан бекор қилинди, чунки офсайдда турган Робертсон ўйинга аралашган деб топилди.

Робертсон, чизиқ олдида бўлишига қарамай, дарвозага қараб турган ва Ван Дейк зарбасидан қочган. Премьер-лига расмий баёнотида шундай дейилади:

“Ливерпуль" голининг бекор қилиниши VAR томонидан текширилган ва тасдиқланган – Робертсон офсайдда туриб, дарвозабон олдида аниқ ҳаракат қилаётгандек баҳоланган.”

Ўйин сўнгида мураббийи Арне Слот эса голни тоза деб ҳисоблаганини таъкидлади:

“Голни бекор қилиш тўғри эмас эди. Робертсон дарвозабон қила оладиган ишга умуман аралашмаган.”

Натижада “Ливерпуль”нинг голи инобатга олинмади ва жамоа 3:0 ҳисобида ютқазди.

Майкл Оливер икки клубнинг ўйинларида ҳакамлик қилмайди.

Оливер "Ньюкасл Юнайтед" мухлиси бўлган ва уларнинг ўйинларида ҳакамлик қила олмайди. Шунингдек, "Ньюкасл"ни қўллаб-қувватлаши сабабли "Сандерленд" билан ҳам ўйинларда ишлай олмайди, чунки бу клублар маҳаллий рақиб ҳисобланади.

Оливер "Daily Mail"нашрига шундай деган:

“Агар ҳакам қайси клубни қўллаб-қувватласа ёки оиламиз аъзоси клубда ишласа, бундан хабар беришимиз керак. Сиз у жамоа ўйинида ҳакамлик қила олмайсиз. Мен "Сандерленд" ўйинларида ҳам ҳакамлик қила олмайман.”

“Агар "Ньюкасл" омон қолиш учун очко керак бўлса ва рақиб Вилла бўлса, мен Вилла ўйинида ҳам ҳакамлик қила олмайман. Буни хохламайман ҳам. Бу шунчаки кераксиз бош оғриқ.”

PGOL (Professional Game Match Officials Limited) собиқ раҳбари Кит Хаккетт ҳакамларнинг тайинланиши ҳақида тушунтирган:

“Ҳар мавсум бошида ҳакамларнинг қaysи клубни қўллаб-қувватлаши, қачон ўйнагани ва яшаш манзили каби маълумотлари текширилади. Бу маълумот ҳакамларни тайинлашда ишлатилади. Масалан, Шеффилддаги ҳакамни Шеффилд клуби ўйинига тайинламаслик шу сабаб билан амалга оширилади.”