Майкл Оуэн Кейн ҳақида: "Бавария"га ўтишни аҳмоқлик деб ҳисоблайман"

Собиқ футболчи Майкл Оуэн Ҳарри Кейн нима учун "Тоттенхэм"дан "Бавария"га ўтганини ҳали ҳам тушунмаяпти.

"Харри Кейн шунчаки дахшатли, у ҳужумларни ажойиб якунлайди. Мен унинг Германияга кўчиб ўтишига қарши эдим, буни очиқ айтдим. Мен буни ҳали ҳам аҳмоқлик деб биламан.

У Премьер-лига тарихидаги энг яхши тўпурар бўлиш арафасида эди, унинг аллақачон мактабга бораётган фарзандлари бор. Мен буни тасаввур қилолмадим, тушунмадим.

Агар бирор нарса ютишни шунчалик хоҳласанг, яна бир йил ўйна, кейин кет. Бу худди "Селтик"га ўтиб, ҳар йили қўлга киритиладиган чемпионатда ғолиб чиққандек гап, бунда ҳеч қандай эътиборга лойиқ нарса йўқ.

Премер-лига тарихидаги энг яхши тўпурар мақоми катта ютуқ бўларди. Бу ақл бовар қилмас иш бўларди ва у яна нимадир ютиши мумкин эди", - деди Англия терма жамоасининг собиқ форварди Рио Фердинанд билан подкастда.

Кейн АПЛда 213 та гол урган. Алан Ширернинг рекорди - 260 та гол.