Мбаппе: Бу маошга ўйнаса бўлади!

ПСЖ асосий ҳужумчиси Килиан Мбаппени олиб қолиш йўлини топган кўринади. Маълумотларга қараганда, парижликлар 23 ёшли ҳужумчига йилига 50 миллион евро маош ва катта миқдорда кўтарма пули ваъда қилгани Килианни ўйлантириб қўйди.

Goal  нашрининг хабар беришича, Мбаппе оиласи ва клуб ўртасидаги музокараларнинг янги босқичи келаси ҳафта Қатар пойтахти Доҳада ўтказилиши келишиб олинди.

Шу ўринда, Мбаппега асосий даъвогар бўлган “Реал” франциялик футболчи сўраётган молиявий шароитларни кўтара олмаслиги мумкин. Ҳар ҳолда ПСЖнинг молиявий имконияти мадридликларникидан анча баланд.

Мбаппенинг ўзи ким кўп тўласа, ўшанинг таклифини қабул қилмоқчидек кўринмоқда. У ҳозирча бир қарорга кела олмаётганини таъкидлаяпти.