Мбаппе бу йил "Олтин тўп"ни қўлга кирита олиш имкониятлари ҳақида гапириб ўтди

ПСЖ форварди Килиан Мбаппе бу йилги “Олтин тўп” совринини қўлга киритиши мумкинлигига ишонмаяпти.

“Ҳаққоний бўлиш керак, мен бу йил “Олтин тўп”га муносиб ўйнамадим. Бунга муносиб ва кўп ютуқларга эришган футболчилар бор. Ушбу совринни қўлга киритишим учун менда ҳали имкон бор. Мен шошилмайман ва бу борада ҳавотирланмаяпман”, - дейди Мбаппе.

Эслатиб ўтамиз, Мбаппе ўтган мавсум “Олтин тўп” сўровномасида 4-ўринни эгаллаган эди.